Madax ka tirsan maamulka Gobolka Banaadir, gaar ahaan degmada Warta Nabadda, ayaa socdaal habeenle ah ku bixiyey qeybo ka mid ah degmadaas, xilli ammaanka degmada ee xilli habeenkii uu yahay mid wanaagsan.
Xubnaha maamulka gobolka oo uu ka mid ahaa kaaliyaha dhinaca amniga Maxamed Cabdulqaadir iyo guddoomiyaha Warta-Nabadda, ayaa dhallinyaradii ay la kulmeen ka codsaday inay ka qeyb galaan nabadeynta iyo amniga magaalada Muqdisho.
Halkan hoose ka daawo madaxda iyo socdaalka Muqdisho.
Waa suurtogal inay Madaxda Qaranka, gaar ahaan Madaxweynaha iyo Guddoomiyaha Barlamaanka Federalka iyo xubnaha kale ku soo baraarugeen Warka maanta ku saabsanaa inay Hay’adda Ammaanka Qaranka Maraykanka (NSA) si aan ganbasho lahayn u dhegeysato, u faaf-reebto Mukaalamaadka ama Wada-sheekeysiga Telefoonadda ee ay Hoggaamiyayaasha Caalamka is-dhaafsadaan.
Qandaraaslihii Hay’adda NSA ee baxsadka ah, Edward Snowden ayaa shaaciyey hawlaha Hay’addaasi ee ay kula socoto Telefoonadda Madaxda Caalamka, kumana koobnayn Dhegeysiga Telefoonadda Hoggaamiyayaasha dalalka ay Maraykanka xulafadda yihiin ama kuwa uu dagaalka siyaasadeed ka dhexeeyo.
Waa naadir in la rumeysto in ay Hay’adda Ammaanka Gudaha Mraaykanka (NSC) u dhega taagaan inay dhegeystaan ama baaraan xogta ku kaydsan Mobaylka uu Madaxweynaha Somalia isticmaalo.
Laakiin Dukumenti uu shaaciyey Khabiirka baxsadka ee Edward Snowden ayaa soo bandhigay Dukumentiyo daaha ka rogayo inay Hay’addaasi dhegaha la raacaan isla markaana faaf-reebid iyo turjumaad kula dhaqaaqeen Kalmadaha uu Madaxweyne Xasan Sheekh Maxamuud kula hadlo Madaxda Caalamka iyo xubnaha kale ee Dowladda ama Asxaabtiisa kale.
Shaacinta in Madaxweyne Xasan lala socdo Telefoonadda uu ku hadlo ayaa waxay su’aallo ka dhalin karaan Ujeedada loo dhegeysanayo, Heerka Kalsoonida ay Madaxda Maraykanka ku qabaan Madaxweynaha iyo Dowladda Somalia iyo ujeedada dahsoon ee loo faaf-reebayo, loona baarayo xogaha ku kaydsan Telefoonadda Madaxweyne Xasan Sheekh Maxamuud.
Khubaradda ayaa rumeysan marba hadday Faaf-reeb timaado iyo in la dhegeysto Telefoonadda inay khasab tahay inay Hay’adda Ammaanka Qaranka Maraykanka macluumaad badan ka hayso xogaha ku kaydsan Kombiyuutaradda iyo E-mailladda uu isticmaalo Madaxweyne Xasan oo isagu Khabaar-moog ka ah dabagalka loo adeegsanayo Teknoolajiyadda sare.
Taxanaha Sheekeysiga Madaxweynaha min bilow xilligii uu ololaha ugu jiray Madaxtinimadda ilaa maanta oo Warbixintaasi qarsoon Warbaahinta hadal-hayaan waxay daaha ka rogaysaa inay Maamulayaasha Maraykanka humaag gelinayaan xiriirka wada shaqeynta ay Dowladda Federalka kula macaamilaan.
Waa hubaal in Hay’adda Ammaanka Qaranka Maraykanka (NSC) dabagal iyo faaf-reeb xad-dhaaf ah ku samayso Xogaha ku kaysan Telefoonadda iyo Kombiyuutaradda ay sida joogtadda Madaxda Xukuumadda, Barlamaanka iyo kuwa Hay’adaha ay ku wada xiriiraan.
Dowladda Maraykanka oo ah Dowlad heer sare ka gaartay Teknoolajiyadda dijitalka ayaan jirin xuduud isgaarsineed oo ka horjoogsan inay dhegeystao Isgaarsiinta iyo inay u dusto xogaha ku qarsoon Mobayalladda iyo kombiyuutarradda xitaa haddii lagu xiro nambarro qarsoon ama Password-yo aan la xifdin Karin.
Dowlad kasta waxay leedahay danno Qaran, laakiinse Danaha Maraykanka ma waxay sababtay inay dhegeystaan Madaxweynaha Somalia marka uu Telefoon ku hadlayo
Si kastaba ha ahaatee, waa ayaan xumo haddii ay Mukhaabaraadka Maraykanka ka fursan waayeen inay Telefoonka Madaxweynaha Qaranka u dhegeystaan si la mid ah Hoggaamiyayaasha Alshabaab ee ay Maraykanka baadigoobayo.
Dowalda Turkiga waxeey magaalada Caasimadda ee Muqdisho ka hir gelisay horumaro dhinacyo badan leh hadii ay ahaan lahaayeyn dhinaca dhismooyinka Wadooyinka iyo dib u soo celinta Bilicda Magaalada iyo dhanka Dhismaha Cisbitaalo dhanka caafimaadka ah.
Walaalaha Dowlada Turkiga waxeey muqdisho ka sameyeyn ayaa waxaa aad ugu farxay Shacabka Muqdisho ee nala daawo muuqaal qurux badan oo laga diyaariyay wax qabadka Dowlada Turkiga & Magaalada Muqdisho.
Muqdisho (Caasimada Online) - Al-Shabaab waxa ay dhibka ugu badan ka waddaa deegaanada Koonfurta Soomaaliya, oo ay ku badan yihiin beelaha Hawiye.
Si kastaba dhibka lagu hayo dadkaasi, waxaa qeyb ka ah dad u dhashay beelaha Hawiye, oo uu ku adeegto dagaal ooge Axmed Cabdi Godane.
Haddaba waxaan halkan idin kugu soo gudbineynaa Liiska Saraakiisha Sare ee Al-Shabaab ee kasoo jeeda beelaha Hawiye.
LIISKA SARAAKIISHA ALSHABAAB EE BEELAHA HAWIYE
1-Cali Max’ud Raage (Cali Dheere)Afhayeenka Al-Shabaab Hawiye, Murusade,
2-Cabdullaahi Timo Jilic Madaxa Farsamada iyo Keydka Hubka.Hawiye, Murusade.
3-Xuseen Cali Fiidow (Xuseen Dayniile)Madaxa Al-Shabaab xiriirada Gobalada Hawiye, Murusade.
4-C/llaahi Xaaji( Daa’uud)Madaxa Amniyadka Al-Shabaab (dilalka Qorshaysan).Hawiye, Murusade.
5-Khalif M. Warsame (Khaliif Cadale)Madaxa NGO-yada Al-Shabaab.Hawiye, Habargidir, Ceyr
6-Xasan Dheere Madaxa guud ee Qaniimada Al-Shabaab (hantida lasoo dhaco)Hawiye, Habargidir, Ceyr.
7-Xasan Afrax Madaxa xiriirka Qaniimada Badaha Al-Shabaab.Hawiye, Habargidir, Saleebaan.
8-Bashiir Qoorgaab Madaxa Kooxda Madaafiicda Al-Shabaab -Hawiye, Habargidir, Saleebaan.
9-Axmed Feefle Madaxa Qaybaha Maaliyadda Al-Shabaab ,Hawiye, Habargidir, Ceyr.
10-Mahad Karatay (Sheekh Burhaan)Madaxa Tababarka Ciidamada Al-Shabaab – Hawiye, Habargidir, Ceyr.
11-Cali Muuse Qasnad hayaha guud ee Al-Shabab ,Hawiye, Habargidir, Ceyr.
12-Farxaan Maxamed Kaahiye -Madaxa guud ee Gaashaandhigga.Hawiye, Habargidir, Saleebaan.
13-Cumar Maxamud Jimcaale(Matan)Taliyaha Ilaalada Axmad Godane – Hawiye, Duduble.
14-Daahir Gacamey (Cabdi Al Xaq)Qaaliga guud ee Al-Shabaab.Hawiye, Duduble.
15- Nuradiin Yusuf Diini {Noor Yusuf } Madaxa xiriirka Geeska Afrika Al-Shabaab – Hawiye-Duduble – Somali Kenyan .
16- Omar Salaad Farah {Sheekh Omar} Madaxa Xanaaneeynta Agoonta Al-Shabaab,Hawiye Duduble-Somali British.
17-Faarax Cali Xuseen (Faarax Kalar) Madaxa Wacyigelinta iyo toosinta Shabeelada dhexe.Hawiye, Abgaal
18-Cali Maxamed Xuseen Madaxa gobalka Banaadir Hawiye, Abgaal, Reer Mataan.
19-Yuusuf Kaba Kudukade Madaxa Al-Shabaab Galgaduud.Hawiye, Abgaal,Waceeysle
20-Axmed Cosoble Madaxa Guud ee Xisbada (boliska)Hawiye, Xawaadle
21-Cabdi Raxiim Cali Muudey Madaxa canshuraha dibadda u dhoofa Hawiye, Gaaljecel
Todobaadka Dambe insha allah waxaan idiin soo gudbin doonaa Saraakiisha Al-Shabaab ee beesha Isaaq u dhashay.
Caasimada Online
Xafiiska Muqdisho
Caasimada@live.com
Magaalada Muqdisho ayaa noqotay Magaalada ugu ayaanka daran caalamka, arrintaas oo ay sabab u tahay magaalada oo noqotay caasimad mudo dheer dagaalo sokeeye ka jireen.
Dagaalada sokeeye kadib oo dawlad Soomaaliyeed dhalatayna fadhi u noqotay Dawlad Soomaaliyeed oo Magac u yaal ah oo aan Soomaaliya xukumin, balse culeys uun ku saa’idisay caasimada Muqdisho.
Muqdisho waa Caasimaddii Dalka, waa Fadhiga Dawlada Federaalka Soomaaliya, Waxaa Fadhiista Baarlamaanka ka Kooban 275-ka Xildhibaan, Golaha Wasiirada iyo Dhamaan Laamaha Dawladda Federaalka Soomaaliya. Baarlamaanka Soomaaliya oo fadhigiisu yahay Xamar kama hadlaan xusuuqda dadka Xamar, kama hadlaan horumarinta Muqdisho.
Inkastoo Dalka Soomaaliya uu leeyahay 4 Dekadood, Garoomo kala Duwan oo Caalami ah, Dawladda Soomaaliya waxaa ay maamushaa oo Kaliya Magaalada Muqdisho, Miisaaniyada Dawladda ee haatan Baarlamaanka hortaal oo ah lacag ka badan 280 Milyan oo Doolar waxaa ay ka imaanaysaa Canshuurta Dekeda iyo Garoonka, Haatan waxaa la bilaabayaa oo golaha wasiirada ansixiyeen, miisaaniyada Dawladdana qeyb ka ah Canshuurta Beriga, Dhamaan Miisaaniyada Dawladda waxaa ay ka imaanaysaa Magaalada Muqdisho, Mushaarka Baarlamaanka, Golaha Wasiirada, Laamaha kala duwan Dawladda waxaa laga bixinayaa Canshuurta beriga, Dekedda iyo Garoonka Muqdisho.
Xildhibaanada Soomaaliya oo ah 275 iyo xukuumada oo ka soo jeeda 5-ta beelood oo Soomaalidu wax ku qeybsato waxaa ay ka kala yimaadeen 18-ka Gobol ee Soomaaliya. Xildhibaanadaan weligood kama hadlin maadaama ay metelaan dhamaan Soomaaliya in Dhaqaalaha Dekedaha Kismaayo, Boosaaso iyo Berbera lagu soo daro Miisaaniyada Dawladda, arintaas Caalamku gacan ka siiyo, maadaama aysan suuragal ahayn in Muqdisho Kaliya Soomaalidu shirko ku noqoto.
Muqdisho, waxaa ay u baahan tahay in horumarkeeda laga fikiro oo jidadka iyo iskuulaad loo sameeyo, in ciidan ammaan loo sameeyo, caasimadu waxaa ay u baahan tahay inta ay u baahan yihiin magaalooyinka kale ee dalka oo Dekedaha iyo Garoomada ku yaaliin sida Berbera, Hargaysa, Boosaaso, Garoowe iyo Kismaayo.
Ayaan darada Muqdisho ku dhacday waxaa ka mid ah inay fadhi u noqotay 275 Xildhibaan oo inta badan aan danaheeda iyo horumarkeeda ka fikireyn, waa Caasimada dalka oo Dhaqaalaha ka soo xarooda ay mushaar u qaataan xildhibaanadu, Golaha wasiirada iyo laamaha Dawladda dhamaan waxaa lagu maal geliyaa dhaqaalaha Dekeda, garoonka iyo ganacsatada Muqdisho laga qaado, sidaas oo ay tahay weligeed lama maqlin xildhibaanada oo ka hadlaaya in jidadka xamar burbursan la sameeyo, magaalada koronto lageliyo.
Maalmahaan Fadhiga Baarlamaanka waxaa ka billawday Dood ku saabsan Miisaaniyada Dawladda oo Xildhibaanada qaar lee yihiin waa in Lacagta miisaaniyada la gaarsiiyaa dhamaan gobolada Dalka, Xildhibaanadaan isma weydiinin Miisaaniyadaan iyaga laga biilo oo halka Magaalo laga qaado Soomaaliya oo dhan miyaa la gaarsiinayaa gobolada Dalka?
Xildhibaanada 275-ta ka kooban oo noqday caqabad in Soomaaliya Dawladnimadeedu shaqeyso ayaa doonaya in dhaqaalaha Dekeda, Garoonka iyo ganacsatada Muqdisho laga qaado in loo qeybiyo 18-ka gobol Soomaaliya, Xildhibaanadaan caqabada ku noqday Muqdisho iyo Soomaaliya inay dawlad shaqeynaysa yeelato ayaa qaarkood kasoo jeeda Maamulada Puntland, Maamulka KMG ah ee Juba, Xildhibaanadaan waxaa Mushaar labaad ka qaataan Maamulada ay difaacayaan in dhaqaalaha Dekedaha iyo Garoonada ay Maamulaan aan Dawlada Federaalku lug ku yeelan, Xildhibaanadaani waxaa ay xaqiijiyeen sanadihii lasoo dhaafay in Magaalada Muqdisho culeys la saaro, dhaqaalaha Muqdishana Dawladda Federaalku Maamusho.
Ma cadaalad baa in Dawladda Soomaaliya Wasaaradeeda maaliyada Baarlamaanka horkeento Miisaaniyad laga qaadayo Hal Magaalo iyo Hal shacab, balse Dawladda Federaalka oo Soomaalidu ku dhan tahayna ay maamulayso, Wasiirka Maaliyda Soomaaliya Xuseen Cabdi Xalane wuxuu ka mid ahaa siyaasiyiintii geed dheer iyo mid gaabanba u koray In Maamulka KMG ah ee Jubba la sameeyo, Dawladda Soomaaliyana aqoonsato, Wasiirka oo qaraabo dhow la ah hogaamiyaha Maamulka KMG ah ee Juba Ahmed Madoobe, Miisaaniyada Dawladda kuma soo darin dhaqaalaha kasoo xaroonaya Dekeda Kismaayo!
Ayaandarada ku dhacday Muqdisho waxaa weeye inay fadhi u noqotay dawlad Federaal KMG ah oo uun magac ahaan u jirta laakiin aan si dhab ah u shaqeynin, Dawladaas oo Baarlamaankeeda iyo Wasiiradeedu wadaniyadu ku yar tahay, xubnahaan oo magaalada usoo shaqo tagay, Magaalada culeys ku ah, Magaalada Muqdisho dhaqaalaheeda inay qaataan u yimid,
Baarlamaanka iyo Xukuumada Soomaaliya ebid kama hadlin maadaama Dalku federal yahay sida dhaqaalaha Dalka loo qeybsanayo, Federaalka Soomaaliya laga hergelinayo nooca uu yahay, Waxyaabaha Dawladda Federaalku maamuleyso iyo waxyaabaha Maamulada Goboladu Maamulayaan! Sida haatan Federaalka la sheegay u shaqeynayo ma tahay sidii lagu gaari lahaa Dawlad Soomaaliyeed oo shaqeysa!
Soomaaliya Ma federal Baa ka jira mise Muqdisho uun ayaa Federaal lagu yahay!
Ma Miisaaniyad Qaranbaa mise waa Canshuurtii Xamar oo Federaal lagu magacaabay!
Inteebey sii socon kartaa in Muqdisho Marti geliso Xildhibaan Cansuurta Muqdisho lagu biilo balse ka shaqeynaya Baabi’inta Muqdisho!
Xildhibaanadu ha ogaadeen in Soomaaliya xildhibaano u yihiin oo ay metelaan Soomaaliya, waa in doodoodu ku salaysnaataa sidii lagu gaari lahaa sidii dawladda Federaalka u gaari lahayd dhammaan Dalka Soomaaliya, Canshuuraha Dalka dhamaan hal meel ugu dhici lahaayeen, Horumarna dhamaan dalka loo gaarsiin lahaa.
Akhristoow ogsoonow dhaqaalaha Caalamku ugu deeqo Soomaaliya oo kor u dhaafaya sanadkii sida la sheego dhaqaalo ka badan halka Bilyan oo Doolar inaan lasoo marsiin dawlada federaalka Soomaaliya, Muqdisho iyo Koofurta Soomaaliyana ay kasoo gaarto wax aad u yar, marka la fiiriyo dhaqaalaha la siiyo Somaliland iyo Puntland.
Waxaa intaan oo idil kasii darran in dadka u dhashay Muqdisho ee xildhibaannada ah, ee madaxweynaha ah inaanay lahayn caqli ku filan, maskax fikirta, uma damqadaan magaaladan, kama naxaan, uma doodaan dadkooda iyo deegaankooda. Waxaa cad in Muqdisho ay tahay magaalada kaliya ee aan cidna u matalin baarlamanka, maadaama kuwa matala ay yihiin sida dhagxaan meel la dhiggay.
Haddaad rabto dheh kuwa qoro Caasimada Online waxa ay ku waasheen Muqdisho, laaakiin waxaan ka hadleynaa oo kaliya caddaalad. Caddaaladdu waa in aan wax walba wadaagnaa ama aynaan waxba wadaagin. In Muqdisho shirko lagu noqdo, magaalooyinka kalena gaar loo lee yahay caddaalad maaha.
Caasimada Online
Xafiiska Muqdisho
Magaalo Madaxdaa Caasimadda ee Muqdisho waxeey isku badashay muuqaal iyo jawi kale kadib Dib u dhis xoogan iyo horumar baaxad weyn leh oo si xowli ah uga soconaya waayihii u dambeeyay.
Muuqaalka Muqdisho iyo sida uu maanta yahay hadaad daawato waxaa hubaal ah in aad xusuus iyo qiimo darteed la ilmeyneyso ee nala daawo muuqaalkii u dambeeyay ee Magaalada Muqdisho.
Ku dhawaad toddoba bilood ka dib markii Shirka Qaranka ee Ka-hortagga Dhacdooyinka Xagjirnimada ee Soomaaliya uu ka soo baxay fatwa toddoba qodob ah oo lagu cambaaraynayay al-Shabaab oo aan horay loo arag nooceeda, ayaa Hay’adda Culimada Islaamka ee Soomaaliya (SISA) ay ugu dambayntii joogtaa halkii ugu dambaysay ee tallaabooyinkii qorshaynta si ay shir kale ugu qabato culimada.
Shirweynihii hore, oo Muqdisho lagu qabtay September sannadkii hore, ayaa ku xirmay baaqyo dawladda loo jeediyay oo ahaa in ay 30 maalmood gudahood ku samayso hay’ad qaran oo lagula dagaallamo faafka fikirka xagjirnimada ah ee Soomaaliya, iyo in ay 90 maalmood gudahood ku qaban-qaabiso shirweyne kale oo ay ku dhan yihiin culimada Islaamka ee Soomaaliyeed iyo kuwo caalami ah.
Laakiin guddoomiyaha SISA Sheekh Bashiir Axmed Salaad ayaa sheegay in xaaladda ammaanka ee dalka iyo isbaddalada jawiga siyaasadda ay dib u dhigeen shirarkii la doonayay in ay kii hore ku daba jiraan.
Salad wuxuu sheegay in ururka, oo ah urur dallad ah oo mideeya culimaa-u-diinka dalka, ay xukuumaddu u igmatay inuu isku keeno dhammaan culimada Soomaaliyeed halka doorka xukuumaddu uu yahay bixinta taageerada loo baahan yahay si loo fududeeyo qabashada shirka iyo bixinta kharashka waxyaabaha mustaqbalka la qaban doono.
Wali lama qaban taariikhda shirweynaha labaad, laakiin Salaad wuxuu sheegay in ay beegsanayaan in la qabto bisha June.
“Shirweynuhu wuxuu diiradda saari doonaa saddex qodob: si loo hubiyo in la dhaqan geliyo go’aannadii lagu gaadhay shirweynihii September; in afkaarta culimada laga mideeyo ka soo horjeedka xagjirnimada; iyo in la sameeyo guddiyaal isku dhaf ah oo ka kooban culimada iyo xukumadda oo si xooggan uga shaqayn doona jihaynta iyo wacyi-gelinta shacabka si loogu wargaliyo in firkirka xagjinimada ah uusan mataaeyn diinta Islaamka,” ayuu yiri Salaad.
Waxaa intaa dheer, shirweynahan soo socda waa uu ka duwanaan doonaa shirarka kale waayo waxaa ku jiri doona wufuud ka yimid dalalka kale ee Muslimka ah, ayuu yidhi Salaad.
“Shirweynihii September wuxuu ahaa kii ugu horreeyay ee noociisa ah laakiin wuxuu isku keenay culimo Soomaaliyeed kaliya,” ayuu yidhi. “Hase ahaatee, shirkani aad ayuu uga weynaan doonaa kaas waxaana ka soo qeyb gali doona culimo waawayn oo ka yimid dalalka Muslimka ah, xukuumadda iyo dhammaan culimada Soomaaliyeed.”
Salaad wuxuu sheegay in marka la qabto shirweynaha la qorshaynayo ka dib, guddiyada isku-dhafka ah loo diri doono dhammaan gobollada dalka si dadka looga wacyi-galiyo fikirka xagjirka ah ee al-Shabaab.
Xukuumaddu waxay sidoo kale aqbashay in ay duruus diimeed ku darto manhajka qaranka ah ee waxbarashada, ayuu yidhi.
“Xagjirnimada waxaa looga hortagi karaa in shacabka wax la baro, laakiin taasi waxay qaadan kartaa waqti dheer,” ayuu yidhi Salad. “[Waxbarashadu] waa wajahaadda mustaqbalka ee ay isku afgarteen xukuumadda iyo Ururka Culimada Islaamka ee Soomaaliya.”
Sheekh Cabdiraxmaan Xuseen, imaamka Masjid Quba oo ku yaala Degmada Waaberi ee Muqdisho, wuxuu sheegay in ay muhiim tahay in la fuliyo fatwadii la soo saaray September si loo dabar-gooyo fikirka gurracan ee al-Shabaab.
Si taas loo sameeyo, ayuu sheegay waxaa muhiim ah in wacyi galinta lagu faafiyo masaajiddada, idaacadaha, websityada, telefishannada, iyo sidoo kale in manhaj sax ah oo Islaamka ah loo isticmaalo dugsiyada si carruurta wax loogu baro.
Dhinaceeda, xukuumadda Soomaaliyeed waxay ballan qaadday in ay culimada diimeed door weyn ka siiyaan in laga hortago fikirka xagjirka ah ee al-Shabaab iyada oo lagu gaadhayo in xafiis dawladeed loo sameeyo culimada diinta.
Ra’iisul Wasaare Cabdiweli Sheekh Axmed ayaa xafiiska cusub shaaciyay ka dib markii shir culimada diinta ugu qabtay Muqdisho 15-kii March, in kasta oo uusan faallo dheeraad ah ka bixin.
“Waxaad qayb aad muhiim ah ka tihiin maamulka dalka waxaanad door hoggaamineed kaga jirtaan dagaalka ka dhanka ah al-Shabaab,” ayuu ku sheegay maqaal uu kula hadlayay culimada. “Taasi waa sababta aan xafiis dawladeed ugu samaynayo culimada si aan idinkugu soo dhaweeyo xukuumadda gacanna aad uga geysataan daboolidda farqiga u dhexeeya dadka iyo xukuumadda.”
Sheekh Cabdulqaadir Maxamed Soomow, oo afhayeenka Golaha Sare ee culimada Ahlu Sunna wal Jamaaca, ayaa ka mid ahaa culimadii la kulantay Axmed bishii March.
Wuxuu sheegay in ra’iisul wasaaruhu uu kala hadlay culimada sida ay uga qeyb gali karaan dagaalka fikradeed ah ee ka dhanka ah al-Shabaab.
Soomow wuxuu sheegay in xukuumaddu ay samaynayso guddi qaran oo la shaqeeya culimada, waxaana uu noqonayaa saldhigga asaaska xafiiska cusub ee dawladeed.
Xafiiska cusub wuxuu xukuumadda iyo hoggaamiyayaasha diimeed ka caawinayaa in ay si fiican uga wada shaqeeyaan dagaalka ka dhanka ah al-Shabaab, ayuu yidhi Cumar Dahir, oo ah khabiir Muqdisho xaruntiisu tahay oo ka faallooda arrimaha Islaamka iyo fiqiga.
Xiriirin la’aanta ka dhex jirta culimada Islaamka ee Soomaaliya ayaa qayb ka ah dhibaatada waayo wuxuu Soomaalida qaarkood u horseeday in ay fikir qaldan ka qaataan in culimadu ay ku kala duwan yihiin aragtida ay ka haystaan afkaarta al-Shabaab, ayuu yidhi.
“Arrimaha khilaafka ka dhex kicinaya culimada Soomaalida waxay ku salaysan yihiin arrimo yaryar oo fiqiga Islaamka la xidhiidha. Markii laga hadlo qaddiyadaha diinta, culimadu waa ay ka midaysan yihiin,” ayuu yiri Daahir.
“Culimada khilaaf kama dhexeeyo marka laga hadlayo baahida loo qabo in dadka la baro diinta iyo khataraha diimeed ee dalka ka jira. Kaasi waa hadaf ay u dhinteen culimo badan,” ayuu yidhi.
Fikirka gurracan ee al-Shabaab waa uu ka sii dhex jiri karaa shacabka xittaa iyada oo ay xukuumaddu ku guulaysanayso in ay dhulal ka qabsato kooxda, ayuu yidhi. Xafiiska cusub ee xukuumaddu waa asaasi, ayuu yidhi, wuxuuna qeyb weyn ka qaadan doonaa inuu ka caawiyo culimada in ay la xidhiidhaan jaaliyadaha ayna sameeyaan wixii loo baahan yahay si loo beeniyo fikirka al-Shabaab iyada oo loo adeegsanayo mabaadi’iida Islaamka.
Isha: Sabahi Online
Midawga Yurub (EU) oo ah mid kamid ah deeq bixiyayaasha Caalamka, ayaa shacabka ku wareersan yahay ujeedka ay ka leeyihiin Soomaaliya. Dalalka ku bahoobay Midawga Yurub (EU) iyo dalalka xubnaha ka ah waxaa sanad walba sheegaan in Soomaaliya ugu deeqaan lacago boqolaal milyan Doolar ah, lacagahaasi inta badan dalka Soomaaliya ma gaaraan.
Haatan Midawga Yurub Soomaaliya wuxuu keenay Tababarayaal dhisa ciidamada Soomaaliya, Tababarayaashani markii hore waxaa ay ciidamada Soomaaliyeed ku tababari jireen Ugandha, Haatan Muqdisho ayaa loo soo wareejiyay, in badan shacabku wuxuu arkaa ama TV-yada Soomaalida ka daawadaa ciidamo Soomaaliya oo kumanaan iyo Boqolaalba ah oo tababar usoo xirayaan tababarayaasha Midawga Yurub, Ciidankaan tababarkiisa waxaa ku baxa lacago malaayiin Euro ah, ciidankaani la isma weydiiyo halka uu ku danbeeyo, tababar fiican iyo shiishka ayaa la baraa.
Maadaama aan dawladu mushaar joogto ah u heynin, kala danbeyntii ciidamada lagu yaqaaneyna jirin, ciidamadaani inta badan waa kala tagaan, qaar madaxda dawladda ayey waardiye u noqdaan, qaar maliishiyo beeleedyo deegaanada shabaabka laga xoreeyo oo qaab beeleed u abaabulan ayay ku biiraan, qaar Shabaabka ayay ku biiraan, qaar wadooyinka bey isbaarooyin dhigtaan oo shacabka ku dhibaateeyaan, qaar iyaga oo qaab beeleed kala ah ayay ku dagaalamaan deegaanada dawladda hoos yimaado.
Midawga Yurub EU wuxuu bixiyaa kaliya lacagta tababarka ku baxaysa, sidoo kale midawga Yurub wuxuu bixiyaa lacagta AMISOM hawl galadeeda iyo Mushaarkeeda inta badan, Midawga Yurub lacag kuma bixiyaan mushaarka ciidamada Soomaaliya, sidoo kale isma weydiiyaan ciidankaani meesha uu ku danbeeyo.
Wakiilka Midawga Yurub Soomaaliya Mr Michele Cervone D’urso ulama macaamilo Dawladda Federaalka inay matasho qaranka Soomaaliya, Maamulada Somaliland, Puntland iyo Dawladda Federaalka Soomaaliya isku si buu u qaabilaa, Muqdisho markuu ka tago Garoowe buu tagaa la kulmaa madaxweynaha Puntland, sidoo Kale Somaliland, Dhaqaalaha Soomaaliya ugu talo galeen Midawga Yurub oo gaaraya boqolaalka Million Euro lagalama tashado Dawladda Federaalka, Puntland iyo Somaliland, waxaa kaliya oo uu sheegaa inta zone-kasta loogu talo galay, lacagahaas Hay’addo kala duwan oo EU-da iyo UN-ka ah baa la marsiiyaa, mashaariicda qaar muhiim uma ah Soomaaliya, qaarkoodna waa la musuq maasuqaa, wax aad u yar ayaa ka gaara Dalka Soomaaliya.
Shacabka Soomaaliyeed waxaa ay is weydiinayaan maxay tahay faaiidada ugu jirta dalka iyo dadka soomaaliyeed in ciidan tababar fiican la siiyo, si fiicana shiishka loo baro ee lagu soo dhex daayo shacabka, mar haddi aysan EU-da oo tababartay iyo Dawladda Soomaaliyaba masuuliyad iska saareynin sidii ciidankaasi ugu shaqeyn lahaa qaranka Soomaaliya, xuquuqda uu leeyahayna u heli lahaa.
Ciidanka kaliya oo Soomaalidu aragtay inuu yahay ciidan rasmi ah waa ciidanka loogu yeero ALFA GROUP, waxaa tababaray dawladda Maraykanka, ciidankaasi tiradiisu waa yar tahay, waa ciidan gacanta ay ku hayaan saraakiishii soo tababartay, sidoo kalana la shaqeeya Dawladda Soomaaliya, mushaarka, caafimaadka iyo qalabka ciidankaba waa laga haqab tiray, ciidankaani waa ciidanka kaliya ee meel kasta oo uu madaxweynuhu tagayo uga sii hormara, waa ciidan Soomaalidu aaminsan tahay, dadka kuma xadgudbaan, lama hadlaan, tababarkoodu waa joogto, wajiyada waa qarsadaan xiliyada hawlgalada, waa ciidankii Shabaab ka saaray Maxkamada Gobolka Banaadir iyo Xerada UN-kaba xiligii ay qabsadeen.
Dalka Soomaaliya ma wuxuu u baahan yahay ciidan fara badan oo inta la tababaro shacabka lagu sii dhex daayo sida uu haatan sameeyo Midawga Yurub EU, mise ciidan yar oo gacanta lagu hayo, mushaarkiisu meel saran yahay oo amaanka dalka iyo dadka Soomaaliyeed ilaaliya sida ALFA GROUP?
Midawga Yurub ma sidaan baa daacad ka ah mise ujeedooyin dahsoon baa jira oo micnahoodu yahay “Qawda Maqashii waxna ha u qaban” ama waa “ Baadida ruux baa kula day daya daalna kaa badan, oo aan dooneyn inaad hesho daain ebidkaaye”
Caasimada Online
Xafiiska Muqdisho
Caasimada@live.com
Wadanka Jabuuti oo si weyn uu soo jeetay Shaashadaha Tv-yada kadib markii Bilic iyo Dhismooyin qurux badan oo sanadihii ugu dambeeyay halkaasi laga waday oo haatan magaalad adhan wada ifiyay.
Muuqaalkani waxaad ka arkeysaa Bilic aadan rumeysaneynin in ay tahay Wadanka aanu walaalaha nahay ee Jabuuti oo si weyn loo nashqadeeyay bilicda magaalooyinkiisa ee nala daawo:
Qadada iyo cashada waxay cunaan Posho ama Ugali [oo kamid ah cuntooyinka ay Yugaandhiisku ugu jecel yihiin], bariis ay aad tayadiisu u sareyso, hilibka doorada iyo hilib lo’aad. Xiliyada qaarna waxaa u dheer kalluun, faasuuliyad iyo weliba khudaar.
Mar taliyaha guud ee ciidamada Uganda ee qaybta ka ah howgalka AMISOM ee Soomaaliya jooga, Kol. Brig. Dick Olum uu kulan la qaatay ciidamada, ayaa askari kamid ahi wuxuu weydiiyey su’aal ahayd: “sidee ku dhici kartaa in todobaadkan oo dhan aan cuno shan xabbo oo tufaax ah oo keliya?!”.
Maalin kale, mid kamid ah cunto-kariyeyaasha ka shaqeeya kushiinka ciidamada, ayaa u sheegay weriyeyaal Yugaandhiis ahaa oo xarunta soo booqday, in ay cunaan intii ay awoodaan oo burcad ah, wuxuuna yiri: ” cuna askartu bahashan aad bay uga dhergeen oo hadda cidi uma baahnee”
Af-hayeenka ciidamada Uganda ee Soomaaliya jooga Kol. Paddy Ankunda, ayaa isna sheegay in askarta khasab looga dhigay inay si joogto ah miisaanka jirkooda ula socdaan.
“Dadka jooga furimaha dagaalka baruur badani fuuli mayso, marka loo eego shaqada ay hayaan. Kuwa jooga xarumaha kale iyo bar-kantaroollada waxan ku dhiiri gelineynaa inay dadaal badan ku bixiyaan sidii ay miisaankooda ula socon lahaayeen” Paddy Ankunda ayaa sidaas yiri
Hoolka cuntada waxaa ku xiran shaashad weyn oo ay askartu wararka caalamka ka daawadaan xilliga ay cunteynayaan. Waxaa sidoo kale jira qaboojiye weyn oo ay ka buuxaan furud, cabitaano kala duwan iyo weliba biyo sifeysan.
Gabar Dhallinyaro ah oo Shaqo Adag Haysa:
Maalintii ugu horreysey ee aan Muqdisho tegey, waan yaabay markii aan arkay gabar dhallinyaro ah, aad u dhiirran kuna lebisan direyska ciidamada. Waxan u haystay in xog-hayn ama wax lamid ah ay u tahay ciidamada Uganda ee Soomaaliya jooga.
Qaab ahaan waxay u ekayd haweenka kale ee magaalada ka shaqeeya, laakiin taasi waxay ahayd kahor intii aanan arkin salaan-sharaf ay dadka iyada ka derejada hooseeyaa siinayeen.
Mar dambe ayaan ogaaday in magaceedu uu yahay Maj. Renee Mwesigwa, ayna qayb ka ahayd haween dhowr ah oo Madaxweyne Yoweri Museveni uu hawl-karnimadooda dartood billado ku guddoonsiiyey munaasabaddii maalinta haweenka ee sannadkan.
Waa hooyo la qabo, waxaana jira haween badan oo sideeda oo kale la geeyey jiidda hore. Aad bay u dhallinyar yihiin, way quruxsan yihiin sidoo kale aad bay kuusoo jiidanayaan marka wataan qalabka ciidamada.
Xirfadaha Dhammaan:
Ciidanka waxaa laga helayaa ugu yaraan xirfad kasta qof khabiir ku ah. Waxaa ku jira sharci-yaqaanno, xisaabiyeyaal, kaal-kaalisooyin, dad yaqaanna IT-ga iyo kuwa kale oo badan.
Waxay leeyihiin kushiino ay cuntada ku karsadaan, iyo weliba dhakhaatiir gaar ah. Dhakhaatiirtaas waxaan ka xusi karaa Captain Betty Akello Otekat, oo iyadu ah madaxa kaal-kaalisooyinka AMISOM, waxay ii sheegtay inay ka diiwaangashan tahay wasaaradda caafimaadka ee dalka Uganda.
Iyada ayaa go’aansatay inay ciidamada ku biirto marna dib ma aysan jalleecin. Waxay ii sheegtay in meel khatar ah sida [Soomaaliya oo kale] oo laga shaqeeyaa ay faa’iido badan leedahay. ” tabar kaddib, waxan hadda awoodaa inaan si wanaagsan u maareeyo nolosha qoyskayga, waxabarashadeyda iyo weliba shaqadeyda…”
“Waxan horay u qaatay shahaadada koowaad ee jaamacadda oo ahayd kaal-kaalisonimo, hadana waxan diyaarinayaa shahaadada labaad ee masterka. Dadka qaar bay la tahay in ciidamada oo lagu biiraa ay la micne tahay noloshaada oo soo idlaatay, anigase bilow ayey ii tahay…” Akello ayaa sidaas tiri iyadoo intaas raacisay in mushaharaadku ay wanaagsan yihiin marka lagu shaqeynayo goob halis ah sida magaalada Muqdisho. Waxay sidoo kale shaacisay in kaal-kaaliyeyaashu halkan ay celcelis ahaan bishii ka qaataan lacag ka badan $800.
Askari kale ayaa isna si hoose iigu sheegay in markiisii hore uu qareen ahaa. ” laga soo bilaabo markii aan ciidamada ku biiray, noloshaydu ma ahan sideedii hore…waxan sugi karaa ammaanka islamar ahaantaana waxan talooyin dhanka sharciga la xiriira siin karaa dadkeyga ama saaxiibadeyda aanu ciidanka ka wada tirsan nahay” sidaas ayuu yiri.
Moobaylo Qurxoon oo Shashadda Laga Isticmaalo:
Haddiiba uu jiro askari ka tirsan ciidamada Uganda ee Soomaaliya jooga oo aan telefoonka gacanta haysan ama shaashadda TV-ga ee ballaaran aan reerkiisa Uganda jooga u iibin, waxan si fudud u oran karnaa sabab kale uma diidine isaga ayaan dooneyn inuu gato. Askarta mushaharkooda waxaa qayb kamid ah loo siiyaa hor-maris, qabta hartayna waxay ku kaydsadaan akoonnada ay bankiyada ku leeyihiin.
Lebiska:
Waxaa jirtey xilli askariga Yugaandhiiska ahi uu xiran jirey tuute duug ah, taas hadda waa laga soo gudbay. Sida uu ii sheegay Kol. Akunda, sanad kasta wuxuu askari walba helaa labo joog oo direyska ciidamada ah.
Kabihii kooyada ahaa ee caagga ahaa ee qoraxdu cagaha dadka ka gubi jirtey hadda ma xirtaan, kuwo harag ka sameysan ayaa loo qaybiyaa. Waxay sidoo kale haystaan funaanadaha hoos laga xirto, buraashado iyo qalab kale oo badan.
Deegaanka:
Jiifku waa raaxo marka la eego nolosha askariga, marka aadan howl ku jirin waa hubaal inaad si fiican u ledi doonto.
Suuliyada waxaa ku yaalla shower ama tuubada biyaha kor ka keenta iyo saxanka qubeyska. Sidoo kale xarunta waxaa ku xiran internet inkastoo uu yahay mid aan xawaare fiican lahayn.
Qolalku waxay ka samesyan yihiin konteenaro bir ah, waase kuwo si fiican loo ranjiyey aadna loo nadiifiyey. Qol walba waxaa yaalla afar furaash iyo sariirahooda iyo hal armaajo oo weyn. Sidoo kale waxaa ku xiran qaboojiye si askartu aysan u dareemin kulaylka saxaraha.
Korontada badankeeda waxaa laga dhaliyaa qoraxda, biyaha badda ee cusbada baddanna waa la safeeyaa kaddib ayaana dib loo isticmaalaa.
Xigasho: New Vision, Uganda.
Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya
Garoonka Caalamiga ee Aadan Adde Airport ee Magaalo Madaxdaa Caasimadda ee Muqdisho ayaa si weyn isku badalay kadib markii dib u dhis iyo howlo shaqo oo caalami ah ay ka bilaabatay sanadihii u dambeeyay.
Muuqaalka Garoonka Aadan adde hadii aad aragto isma dhaheysid sidaan ayuu durbaba isku badalay kadib markii ay ka shaqo bilaabeyn Duulimaadyo Caalami ah oo Muqdisho ilaa aduunka dacalkiis meeshii aad doonto ee nala daawo Bilicda iyo Quruxda Garoonka Aadan Adde.
Wasiiro, Taliyayaasha Ciidamada Xooga Dalka iyo booliska iyo Gudoomiyaha Gobolka Banaadir oo Xili habeen bar ah ku damaashaadaya Magaalada Muqdisho.
Xubnahani ka tirsan Dowlada oo Habeenki xalay ahaa ka qeyb qaadanayay Xaflad loogu magac daray Socdaalka Bandhiga Dadweynaha & Amniga Muqdisho kaasoo Socdaal lug ah lagumarayo Wadooyinka Magaalada Muqdisho ee nala daawo.
Qoondaha Miisaaniyadda ee 2014-ka ee ka imaaneysa Canshuurta Muqdisho ee Wasaaradda Maaliyadda horgeysay Baarlamaanka Soomaaliya ayaa gebi ahaanba loo qeybinayaa Wasaaraddo magac u yaal ah, iska daa in wasaaradahani shacabka Muqdisho wax u qabtaane, wasaarad kastaahi waxay shacabka Muqdisho u samaysaa Caqabad cusub, wax loogu yeero isdiiwaan gelin oo wasaarad kastaahi lacag ku qaadaneyso. Wasiir kasta ee wasaarad loo magacaabo wuxuu wasaaradda keenaa shaqaale beeshiisa ah, shaqaalaha wasaaradaha aqoon laguma keeno, Imtixaan kuma yimaadaan.
Qoondada Miisaaniyadda Dawladda Federaalka ee 2014.
1- Lacagta waxaa loo qoondeeyey wasaarado magac u yaal ah, wasaarad kasta waxaa lacag ku qaadanaya boqolaal shaqaale ah,
2- Wasaaradda Maaliyadda Soomaaliya qoondadeeda waxay ku tala gashay in lacaguhu baxaan balse aan shacabka waxba loogu qaban.
3- Miisaaniyadda gebi ahaanteed waxaa ay ku baxaysaa Wasaarado, Hay’addo magac u yaal ah oo aan shaqeynin sida Hay’adda Saadaasha hawada, Hay’adda xuquuqul insaanka, Hay’adda Fanka, Hay’adda, Guddiga xadeynta xuduudaha Federaalka, Guddiga Dib u heshiisiinta qaranka,
4- Miisaaniyada Madaxtooyada, Xafiiska Raisul wasaaraha, Dhamaan wasaaradaha waa mushaar shaqaale, iyo qarashyo kale oo aan nolosha shacabka Sooaaliyeed waxba u saaidineynin.
5- Lacagaha wasaaradaha la siinayo kuma jirto Mushaar shaqaalaha Isbitaalada, Mushaar shaqaalaha Nadaafada, Mushaar shaqaaalaha iskuulaadka Muqdisho, Isbitaal laguma dhisayo, Iskuul laguma dhisayo, Jid laguma dhisayo,
6- Miisaaniyadaan oo ka imaanaysa Muqdisho, kuna dhow lacag 200 milyan Doolar magaalada Muqdisho oo lagu kabay Bank-ga dhexe waxaa looga qoondeeyay 15.3 Milyan Doolar oo lagu Sheegay “Deeq Gobolka Banaadir”
7- Miisaaniyadda Guud ahaan wasaaradaha iyo Hay’addaha magac u yaalka ah lacagta waxaa ay ku baxaysaa Mushaar shaqaale iyo isticmaalka Agabka & Adeega oo loola jeedo shidaal, transport,koronto, qalab nadaafadeed iwm.
8- Amniga Muqdisho waxaa loo sugi la’ yahay Degmooyinka Gobolka Banaadir oo aan heysan dhaqaalo ku filan oo ay ku socodsiiyaan ka shaqeynta amniga iyo horumarinta deegaanka.
9- Miisaaniyadda waxaa ku jira Budget line loogu magac daray, CODE 501: KUWA KALE waxaana ku qoran 34,040,376$ (Sodan iyo Afar Milyan Afartan kun Sadex Boqol Todobaatan iyo Lix Doolar)
10- Taliska Ciidanka Xooga Dalka waxaa ku qoran sanadkaan Kaliya lacag ku dhow 50 Milyan Doolar, lacagtaan Mushaar kuma baxdo, inta Badan Raashin bey ku qoran tahay, jeebab dad gaar ah ayay ku dhacdaa.
11- Miisaaniyad loo habeeyay inaan dadka waxba loogu qaban, Miisaaniyad Muujinaysa in Magaca Dawladda lagu dhacaayo canshuurta Shacabka, Miisaaniyad aan waxba kusoo kordhinayn nolosha shacabka, Miisaaniyad muujinaysa in madaxda dawladda maskaxdii ka tagtay, Miisaaniyad wasaaradaha ku qoran loo siiyey awood inay sidii ay rabaan ka yeelaan.
12- Baarlamaanka ka kooban 275, qofkii wuxuu Mushahar u qaadanayaa 3000$, Baarlamaankaani go’aankoodu wuxuu saameeyaa oo horumarka ka joojiyaa Muqdisho Kaliya.
|
XEERKA QOONDAHA MIISAANIYADDA 2014-KA |
||||
|
KUTALAGALKA MIISAANIYADDA 2014-KA US$ |
||||
|
Madax |
FAAH-FAAHIN |
2013 Misaniyadda |
2013 Dhabta |
2014 Kutalagalka |
|
101 |
Xafiiska Madaxtooyada |
3,683,724 |
3,588,740 |
4,417,088 |
|
10201 |
Xafiiska Baarlamaanka |
2,118,404 |
2,006,656 |
3,435,516 |
|
10202 |
Xubnaha Baarlamaanka (Mushaar, Agab & Adeeg) |
13,035,972 |
12,833,053 |
10,968,000 |
|
103 |
Xafiiska Ra’isul Wasaaraha |
3,180,000 |
3,131,681 |
4,230,420 |
|
10401 |
Wasaaradda Arrimaha Dibedda |
1,134,940 |
1,109,876 |
1,735,196 |
|
10402 |
Safaaradaha |
4,340,680 |
1,244,145 |
6,624,000 |
|
10501 |
Wasaaradda Maaliyadda |
4,571,778 |
4,456,525 |
4,711,027 |
|
10502 |
Mashruuca SFF |
- |
- |
10,980,062 |
|
10503 |
Mashruuca PFM |
- |
- |
1,887,000 |
|
10504 |
Deeqda Gobolka Banaadir iyo Bankiga Dhexe |
- |
12,787,538 |
15,300,000 |
|
106 |
Wasaaradda Qorsheynta iyo Isk. Caalamiga |
- |
- |
772,508 |
|
10701 |
Wasaaradda Arrimaha Gudaha iyo Federaalka |
14,287,504 |
9,966,561 |
4,481,240 |
|
10702 |
Guddiga Qaxootiga Qaranka iyo Barakacayaasha |
- |
- |
529,800 |
|
10703 |
Hay’adda Maareynta Masiibooyinka |
- |
- |
282,600 |
|
10704 |
Guddiga Xadeynta Xuduudaha Federaalka |
- |
- |
279,000 |
|
108 |
Wasaaradda arrimaha Diinta iyo Awqaafta |
- |
- |
1,251,532 |
|
10901 |
Wasaaradda Cadaaladda iyo Arrimaha Dastuurka |
1,593,448 |
1,451,134 |
1,478,344 |
|
10902 |
Ciidanka Asluubta |
2,440,000 |
2,406,503 |
4,343,592 |
|
10903 |
Guddiga Dastuurka iyo Arrimaha Federaalka |
458,736 |
403,501 |
461,832 |
|
10904 |
Guddiga Dib u heshiisiinta Qaranka |
527,652 |
370,503 |
468,708 |
|
10905 |
Maxkamadda Gobolka Banaadir |
1,176,900 |
1,099,889 |
963,396 |
|
10906 |
Maxkamadda Racfaanka |
248,604 |
172,104 |
234,204 |
|
10907 |
Hay’adda Xuquuqil Insaanka |
- |
- |
253,200 |
|
10908 |
Guddiga Adeega Garsoorka |
198,012 |
141,512 |
206,052 |
|
10909 |
Maxkamadda Dastuuriga ah |
- |
- |
234,000 |
|
110 |
Maxkamadda Sare |
442,440 |
389,670 |
395,256 |
|
111 |
Xeer-ilaaliyaha Guud |
408,888 |
348,388 |
434,664 |
|
112 |
Garyaqaanka Guud |
284,520 |
201,473 |
386,652 |
|
113 |
Xisaabiyaha Guud |
733,604 |
704,146 |
685,720 |
|
114 |
Hanti-dhawrka Guud |
665,228 |
635,889 |
636,684 |
|
115 |
Guddiga Qaranka Shaqaalaha Rayidka |
391,524 |
391,524 |
427,920 |
|
20101 |
Wasaaradda Gaashaandhiga |
2,957,276 |
2,767,787 |
844,892 |
|
20102 |
Taliska Ciidanka xooga Dalka |
41,255,700 |
28,191,125 |
49,742,868 |
|
20103 |
Maxkamadda Ciidamadda |
405,200 |
404,700 |
452,400 |
|
20201 |
Wasaaradda Amniga Qaranka |
- |
- |
2,676,204 |
|
20202 |
Taliska Ciidanka Booliska |
16,095,600 |
8,286,783 |
13,947,764 |
|
20203 |
Hay’adda Nabadsugidda Qaranka |
6,330,000 |
5,095,000 |
9,200,976 |
|
20204 |
Hay’adda Socdaalka iyo Jinsiyadaha |
1,076,886 |
790,205 |
1,734,000 |
|
301 |
Wasaaradda Tamarta & Biyaha |
2,045,520 |
1,821,212 |
742,612 |
|
302 |
Wasaaradda Macdanta |
- |
- |
679,988 |
|
303 |
Wasaaradda Beeraha |
- |
- |
820,628 |
|
304 |
Wasaaradda Xanaanada Xoolaha, Dhirta iyo Daaqa |
- |
- |
682,876 |
|
30501 |
Wasaaradda Kalumeysiga &Khey. Badda |
- |
- |
1,041,524 |
|
30502 |
Hay’adda Cilmi Baadhista badaha soomaaliya |
- |
- |
260,200 |
|
306 |
Wasaaradda Warfaafinta |
2,847,612 |
2,821,270 |
3,020,012 |
|
307 |
Wasaaradda Boostada iyo isgaarsiinta |
- |
- |
948,748 |
|
308 |
Wasaaradda Howlaha Guud iyo Dib u dhiska |
1,120,776 |
1,029,626 |
742,880 |
|
30901 |
Wasaaradda Gaadiidka & Duulista Hawadda |
- |
- |
844,936 |
|
30902 |
Hay’adda Saadaasha iyo Duulista Hawadda |
- |
- |
697,704 |
|
31001 |
Wasaaradda Dekedaha & Gaadiidka Badda |
- |
- |
968,164 |
|
31002 |
Dekadda Xamar |
- |
- |
422,933 |
|
311 |
Wasaaradda Ganacsiga iyo Warshadaha |
689,584 |
612,586 |
763,100 |
|
401 |
Wasaaradda Caafimaadka |
9,577,222 |
2,258,136 |
899,332 |
|
40201 |
Wasaaradda Waxbarashadda |
- |
- |
4,875,284 |
|
40202 |
Wasaaradda Hidaha & Tacliinta Sare |
- |
- |
1,061,980 |
|
40203 |
Jaamacadda Umadda |
- |
- |
360,516 |
|
40204 |
Hay’adda Cilmi, Fanka iyo Suugaanta |
- |
- |
315,000 |
|
403 |
Wasaaradda Shaqada & Arrimaha Bulshada |
- |
- |
836,872 |
|
404 |
Wasaaradda Isboortiga & Dhalinyarada |
- |
- |
624,313 |
|
405 |
Wasaaradda Haweenka & Hor. Xuq.Adanaha |
- |
- |
706,448 |
|
501 |
KUWA KALE |
3,600,000 |
3,520,635 |
34,040,376 |
| WADARTA GUUD |
143,923,934 |
117,440,076 |
218,450,743 |
|
Cape Town (Caasimada Online) - Barnaamijka Sahanka Nolosha ee ka baxa Tv-ga caalamiga ahee Universal ayaa lagu soo qaatay Arin Farxadeed iyadoo daadihiyaha barnaamijkani Maxamed Muuse Nuur (Deeqdarajo) uu marwalba xooga saaraa arimaha bulshada gaar ahaan hormarka shaqsiyaadka Soomaaliyeed ee la taaban karo waxqabadkooda wuxuuna todobaadkani idin haayaa muuqaal farxad leh oo qalbiyada wadaniyiinta Soomaaliyeed ay ku raaxeysan doonaa kuna ildoogsan doonaan.
Qaar ka mid ah Degmooyinka Gobolka Banaadir ayaa waxaa si xowli ah uga soconaya Horumar aad u balaaran oo isugu jiro dhinacyo badan oo dib loogu soo celinayo Bilicda Magaalada Muqdisho.
Muuqaalo kala duwan oo ku tusinaya Horumarka maanta ay wadaan qaar ka mid ah Degmooyinka Gobolka Banaadir ee nala daawo waa hubaal in aad wax badan ku arkeuso muuqaalkani.
Isbadalka Magaalada Caasimadda ah ee Muqdisho waxuu ku soconayaa si xowli ah kadib markii Shacabka reer Muqdisho ay si dhab ah u doonayaan in ay uga qeyb qaataan Horumarka iyo isbadalka cusub ee dalka ka soconaya.
Muuqaal cusub oo muujinaya sida Shacabka u doonayaan in Magaalada Muqdisho ay noqoto sidii ay ahaan jirtay Waagii bariisamaadka ayagoo haatan ku talaabayo isbadal muuqda oo aad ka arki doonto muuqaalkani sida uu yahay jawiga Muqdisho.
