Fanaanka da’dayar ee Abdi Dajiye oo dhawaanahan farka kusoo galay dardar xoog leh islamarkaana qaada heeso aan horey loo qaadin oo ku cusub dhagaha taageerayaashiisa ayaa hadba muuqaal cusub kasoo tuuraya.
Waxaana uu maanta soo saaray heestiisa caanka baxday Dhalandhool oo runtii ah mid laxan, erayo iyo cod isku kulansatay. Waxaana erayada heestan sameeyey fanaanka walaalkiis Abdiqani Garyare, laxanka waa aabihii laxamada Soomaaliya Abdi Baadil Ibrahim, musica waa wiilka ku waalan garaacista musica Maxamed Weerow. iyaddoo muuqaalka heestan ay idin soo duubeen bahda Kismaayo24.com
Heesta waxaa erayadeeda haddii aad dhageysato ka dheehan kartaa jaceyl baaxad leh oo ay ka hadleyso kaasi oo xitaa mararka qaar gelaya tilmaaha miyiga Soomaaliya lagu yaqaan.
Waa yar tahay in fanaaniinta cusub ee Soomaaliyeed laga helo mid fanka kusoo galay heeso isaga u gaar ah oo waliba la wada jecleystay balse Abdi Dajiye ayaa nasiib u yeeshay inuu kaalintaasi buuxiyo.
Fanaanka ayaa sidoo kale mar uu la hadlayey warbaahinta waxa uu shacabka Soomaaliyeed u rajeeyey inay ramadaankan kuwii ka faa’ideysta noqdaan oo alle nabad iyo barwaaqo uga dhigo dalkeena Hooyo.